آنلائن فروخت کا مستقبل

آنلائن مارکیٹنگ کا بہت چرچا ہے.

ویبسائٹ بنانے والے دوست پچھلے کچھ عرصہ سے بہت مصروف ہیں. دھڑادھڑ نئی سائٹس بن رہی ہیں، نئے پیچز بن رہے ہیں،

ایڈورٹائزنگ اور بوسٹنگ ہورہی ہے. ایسے میں کچھ دوست جو اس کام میں دلچسپی رکھتے ہیں، خائف اور متذبذب ہیں کہ اسقدر کثیر تعداد میں پہلے سے موجود آنلائن مارکیٹنگ سائٹس کی موجودگی ؟میں کسی نئی سائٹ کی ضرورت ہے بھی کہ نہیں.

تھوڑا سا غور کیا تو اندازہ ہوا کہ سائٹ بنیادی طور ہے کیا. ایک طرح کی دوکان ہی تو ہے. اب اگر آپ اپنے علاقہ میں دیکھیں تو کتنی دکانیں. ، کتنے بازار ہیں. کپڑوں کی دکانیں دیکھیں تو ایک ایک بازار میں سینکڑوں دکانیں ہیں اور سب مناسب کاروبار کررہی ہیں. اسی طرح آنلائن بھی ہزاروں دکانوں کی گنجائش موجود ہے. اب فرق کیا ہے کہ دکان پر ہم چیز پہلے دیکھتے ہیں، پرکھتے ہیں اور پھر خریدتے ہیں جبکہ آنلائن ہمیں دیکھنے یا پرکھنے کا موقع بالکل آخر میں ملتا ہے.

اور وہ بھی بسا اوقات ادائیگی کے بعد. بہت سے دوستوں کے تجربات آنلائن خریداری کے متعلق انتہائی خراب ہیں. بتایا جاتا ہے کہ ہاتھی کا آرڈر دیں تو بکری ملتی ہے. ایسی صورت حال میں لوگوں کا اعتماد کیسے بنے گا. اور اگر اعتماد نہیں بنے گا تو کام نہیں چلے گا.

لہذا آنلائن سیلرز کو یہ بداعتمادی ختم کرنے اور اپنا مقام بنانے کے لیے پوری سچائی اور پروفیشنلزم سے کام کرنا ہوگا . آنلائن مارکیٹنگ والے کے پاس جھوٹ یا دھوکہ دہی کی بالکل بھی گنجائش نہیں. بلکہ میں تو سمجھتا ہوں کہ جتنا جلد ممکن ہو سب آنلائن سیلرز ملکر ایک تنظیم بنالیں، جس طرح انجینئرنگ کونسل یا پی ایم اے کی ممبر شپ کے بغیر انجینئرنگ یا ڈاکٹری نہیں کی جاسکتی اسی طرح اس تنظیم کی رجسٹریشن کے بغیر آنلائن فروخت منع ہو.

وہ تنظیم نہ صرف آنلائن سیلرز کی تربیت اور کردار سازی کرے بلکہ صارف اور سیلرز کے حقوق کا بھی خیال رکھے. اگرسرکار کوئی ادارہ بنالے تو بھی ٹھیک ہے مگر عام طور پر دیکھا گیا ہے کہ سرکاری اہلکار صرف مسائل پیدا کرکے رشوت کے مواقع ہی پیدا کرتے ہیں. لہذا بہتر تو یہی ہے کہ پرائیویٹ تنظیم ہی ہو. اور ان کے ساتھ آنلائن کنزیومر کورٹ بھی آنلائن ہی ہوں تاکہ کسی شکایت کی صورت میں گھر بیٹھے ہی ازالہ ہو جائے.

جتنی جلد ایسے اقدامات سے صارفین کا اعتماد آنلائن سیلنگ پر پختہ کرلیا جائے اتنا جلد ہی انکا وجود باقاعدہ بازار کی صورت تسلیم کرلیا جائے گا

.#pkvillage #onlinebusiness #onlinebusinessidea2020 #smallbusinessidea #dubailife #shoppingmall