کیپ ٹاؤن: جنوبی افریقہ میں ایک خاتون نے بیک وقت دس بچے پیدا کرکے مالی کی خاتون کا ریکارڈ توڑ دیا

اور گنیز بک آف ورلڈ ریکارڈ میں اپنا نام درج کروالیا۔

عالمی خبر رساں ادارے کے مطابق جنوبی افریقہ کی 37 سالہ گوسیامے تھامارا کو حمل کے دوران ہی ڈاکٹر نے خبردار کردیا تھا کہ ان کے یہاں غیرمعمولی پیدائش ہونے والی ہے تاہم اندازہ نہیں تھا کہ عالمی ریکارڈ بننے جا رہا ہے۔

لیڈی ڈاکٹر نے حمل کے دوران الٹرا ساؤنڈ کرکے خاتون کو بتایا تھا کہ 8 بچے کوکھ میں پل رہے ہیں تاہم زچگی والے دن خاتون نے 10 بچوں کو جنم دیا جن میں 7 لڑکے اور 3 لڑکیاں شامل ہیں۔

دس بچوں کی پیدائش کے لیے خاتون کو کسی قسم سرجری کی ضرورت نہیں پڑی۔

نارمل ڈلیوری کے بعد زچہ و بچہ خیریت سے ہیں۔ گوسیامے پہلے ہی جڑواں بچوں کی ماں ہیں اس طرح اب ان کے بچوں کی مجموعی تعداد 12 ہوگئی ہے۔

خاتون نے بتایا کہ اس کا حمل فطری تھا-مجھے چھ بچوں کی رپورٹ پہ یقین نہیں آیا۔

مجھے اس پر شک ہوا۔ مجھے یقین تھا کہ اگر یہ زیادہ ہوتا تو، یہ جڑواں بچے یا ٹرپلٹس ہوں گے، اس سے زیادہ نہیں۔

جب ڈاکٹر نے مجھے بتایا تو، میں نے اس پر یقین کرنے میں وقت لیا۔ یہاں تک کہ جب میں نے اسکینوں کو دیکھا تو مجھے یقین نہیں آیا۔ لیکن، جیسے جیسے وقت گزرتا گیا، مجھے احساس ہوا کہ واقعی یہ سچ تھا۔

واضح رہے کہ مالی میں گزشتہ ماہ ایک خاتون نے 9 بچوں کو جنم دیا تھا جب کہ 2012 میں ایک ہندوستانی خاتون کے یہاں 11 بچوں کی پیدائش ہوئی تھی تاہم بچوں کی یہ پیدائش آئی وی ایف کے ذریعے ہوئی تھی۔

About the author: Shah Mahar

No Gain Without Pain
I am a Muslim and Love Muhammad